सांगलीच्या तरूण तडफदार वकीलाने काढला पुण्यातील नामांकित सहकारी पतसंस्थेतील कोट्यावधींचा घोटाळा

सांगलीच्या तरूण तडफदार वकीलाने काढला पुण्यातील नामांकित सहकारी पतसंस्थेतील कोट्यावधींचा घोटाळा

न्यायालयाने गंभीर दखल घेत दिले चौकशीचे आदेश

सांगली येथील हरिपुरचे तरूण तडफदार वकील 'अँड. ऋषिकेश चव्हाण' यांनी पुण्यातील 'सारस' या सहकारी पतसंस्थेतील तब्बल 11 कोटींचा घोटाळा बाहेर काढला आहे. 

या प्रकरणाची गंभीर दखल घेत 'पुणे येथील प्रथम वर्ग न्यायदंडाधिकारी डी. ए. अरगडे' यांनी आज 'वारजे माळवाडी पोलिस ठाण्याला' सारस नागरी सहकारी पतसंस्थेच्या कार्यकारणी विरुद्ध तपास सुरू करायचे निर्देश दिले आहेत. 

याबाबत मिळालेल्या माहितीनुसार सारस पतसंस्थेचे संचालक व अध्यक्ष 'गणेश धारप' यांच्या व्यवस्थापनाखाली पतसंस्थेने कोट्यवधी रुपयांची कर्ज ही कर्जदाराची योग्य पत चाचणी, मालमत्तेचे मूल्यांकन वा व्यक्तीचे सिबील रेकॉर्ड या बाबतचे सर्व नियम धाब्यावर बसवून दिली गेली. तसेच कर्ज असणार्‍या मालमत्तांच्या 7/12 उतार्‍यांवर कर्जाच्या नोंदी होऊ दिल्या नाहीत. त्यामुळे या जमिनी परस्पर विकता येत असत. असे सर्व गैरप्रकार हाताळण्यासाठी गणेश धारप याने वैकुंठ कुंभार नावाच्या कर्जदाराकडून २ कोटी रुपयांची लाच घेतल्याचेही तक्रारीमध्ये म्हणाले आहे. 

तसेच शेखर चरेगावकर नावाच्या खातेदारालाही गणेश धारप याने संचालक मंडळाच्या कोणत्याही पूर्व मान्यतेशिवाय वा कोणत्याही तारणाशिवाय मुदत ठेवीवर कर्ज व ओवरड्राफ्टची देखील सुविधा अशाच पद्धतीने उपलब्ध करून दिल्याचे समजते. 

शेखर चरेगावकर याचे नाव पुढे थकबाकीदारांच्या यादीत येऊन देखील चरेगावकर याच्या राजकीय वर्तुळातील ओळखी लक्षात घेऊन त्याच्यावर कोणतीही कारवाई पतसंस्थेने केली नसल्याचेही समजते. 

सारस पतसंस्थेतील या घोटाळ्याचे तक्रारदार व भाजप युवा मोर्चाचे पुणे शहर अध्यक्ष सचिन फोलाणे यांच्या वतीने त्यांची बाजू मांडणारे अँड. ऋषीकेश चव्हाण यांनी त्यांची बाजु मांडत आपल्या वकीलीची पुणे येथे झणाटेबाज सुरूवात केली आहे. अँड. ऋषिकेश चव्हाण हे मुळचे सांगली जिल्ह्यातील 'हरीपुर' गावचे असुन नुकतीच त्यांनी पुणे येथे वकीलीला सुरूवात केली आहे. त्यांचे शिक्षण 'मुंबई येथील गव्हर्णमेंन्ट लॉ कॉलेज' मध्ये झाले असुन सुरूवातीचे काही वर्षे त्यांनी 'मुंबई हायकोर्टात' वकीलीदेखील केली आहे. सध्या त्यांनी पुणे यथे स्वताची लॉ फर्म स्थापन केली असुन त्यांनी त्यांच्या वकीलीला दमदार सुरूवात केली असल्याचे या प्रकारणावरून दिसुन आले आहे.

प्राथमिक अंदाजानुसार हा घोटाळा ११ कोटी रुपयांइतका मोठा असेल असे समजते.

सहकारी पतसंस्था तसेच सहकारी बँकांमध्ये अशा स्वरूपाचे घोटाळे नित्याचे होत चालले असून या सहकारी संस्थांच्या मूळ संकल्पनेलाच धोका निर्माण झाल्याचे चित्र दिसू लागले आहे. महाराष्ट्रात यापूर्वी 'पंजाब महाराष्ट्र सहकारी बँक' व त्या पाठोपाठ 'शिवाजीराव भोसले सहकारी बँक' मधील अशाच पद्धतीचे कोट्यवधी रुपयांचे घोटाळे समोर आले आहेत. सारस पतसंस्थेतील घोटाळा हा याच प्रकारचा अजून एक मोठा दखलपात्र गुन्हा संभवतो आहे.